Shaxmat — aql gimnastikasi, u aqlni charhlab, fikrni o‘tkirlashtiradi. Shu sababdan ham aql o‘yini bolalikdan o‘rgatilsa, foydadan xoli bo‘lmaydi. Ayniqsa, bog‘cha yoshidagi bolalarga shaxmat o‘ynash qoidalari, yo‘l-yo‘riqlari o‘rgatib borilishi maktabgacha ta’lim tashkilotlarida yaxshi yo‘lga qo‘yilgan. Hattoki, Oʻzbekiston Respublikasi Prezidentining 2021-yil 14-yanvardagi “Shaxmatni yanada rivojlantirish va ommalashtirish hamda shaxmatchilarni tayyorlash tizimini takomillashtirish chora-tadbirlari toʻgʻrisidagi” PQ-4954 sonli qarori ijrosi ta’minlash maqsadida bog‘chalarda “Shaxmat kunlari” ham tashkil etib kelinayotir.
Bu galgi “Shaxmat kunlari”da Termiz shahridagi 17- va 26-sonli DMTTlari tarbiyalanuvchilari oʻrtasida shaxmat musobaqalari tashkil etildi. Jarayonni kuzatgan zavq-shavq oladi. Chunki jajji shaxmatchilar shaxmat donalarini surishlari, g‘oliblik sari intilishlari, o‘zlarini kattalardek tutishlari musobaqaning qiziqarli o‘tishiga xizmat qildi. Musobaqa yakunida esa bolajonlar maqtov yorliqlari bilan taqdirlandi.
S.Davlatova
