Bosh Qomusimizning yangi qonun loyihasi ishlab chiqilganidan xabardormiz. Bu boradagi ishlar, referendum oldi targ‘ibot-tashviqot tadbirlari qizg‘in tus olgan. Joylarda xalq fikri, yangi qonunning amaliyotdagi talqini har bir fuqaroni ruhlantirayotgani, daxldorlik hissini oshirayotgani rost. Denov tumanida “Mening konstitutsiyam” shiori ostida jismoniy tarbiya va sportni keng targ‘ib qilish maqsadida “Denov-Termiz” yo‘nalishida 146 kilometr masofaga “Aralash marafon” tadbiriga start berildi.
Ushbu tashabbusga esa O‘zbekiston Respublikasi Prezidentining 2020-yil 30-oktyabrdagi “Sog‘lom turmush tarzini keng tatbiq etish va ommaviy sportni yanada rivojlantirish chora-tadbirlari to‘g‘risida”gi Farmoni dasturil amal bo‘lib xizmat qildi. Tuman maktabgacha va maktab ta’limi bo‘limi tizimida faoliyat ko‘rsatib kelayotgan pedagog-xodimlar jamoasi esa faollik va jonbozlik ko‘rsatib, start chizig‘idan finishga tomon yo‘l oldilar. Aytish kerakki, har bir ishtirokchi ushbu marafon orqali mamlakat rekordini o‘rnatishni maqsad qilgan.
S.Davatova
