Afg‘on shamoliga chek qo‘yiladi

Date:

Yilning to‘rt faslida ham kutilmaganda ko‘tarilgan chang-to‘zon kayfiyatimizga ta’sir etadi. Mahalliy aholi tilidan afg‘on shamoli deya nomlanadigan bu hodisaning oldini olish yoki chek qo‘yish mumkinmikan? Yoki bu qanday sodir bo‘lishi haqida o‘ylab ko‘rganmikanmiz?

Vohaning dasht va cho‘l qismlari asosan qumliklardan iborat, salga qum bahranlarining shamolga ko‘tarilib, chang-to‘zoni butun shaharga tarqalishi ushbu hodisaga sabab bo‘ladi. Haqiqatda bu holatning oldini olish mumkin.

Vohaning dasht va cho‘l zonalarida yetarli namlik saqlansa, qum bahranlari shamol-u dovulda ham ko‘tarilmaydi. Buning yechimi esa ayni shunday zonalarda saksovul ekishdirm. Saksovulning ildizi bir necha o‘n metr masofagacha borib, yerdagi namlikni saqlab beradi. Qarabsizki, muammo hal.

Davlat rahbarining viloyatimizga tashrifi davomida qum bo‘ronlari va chang-to‘zonlarning yuzaga kelishini kamaytirish maqsadida cho‘l zonalarida saksovulzorlarni kengaytirish bo‘yicha vazifalarni belgilab berdilar. Topshiriq ijrosini taʼminlash maqsadida Termiz va Angor tumanlari tutashgan “Kattaqum” massivida saksovul ko‘chatlari hamda urug‘larini ekish ishlari boshlab yuborildi.

Mana shunday ezgu tashabbusni amalga oshirish maqsadida Qoraqalpog‘istondan 100 ming tup saksovul ko‘chatlari va 15 tonna urug‘ keltirildi. Viloyatda 1,5 ming gektarda saksovulzorlar barpo etish rejasiga muvofiq olib kelingan ko‘chat va urug‘larni ekish ishlariga davlat va jamoat tashkilotlari, yoshlar vakillari hamda ko‘ngillilar ishtirok etdi. Natijada 10 gektar maydonga 12 mingdan ortiq saksovul ko‘chatlari va urug‘lari ekildi.
Tadbirlar davom etmoqda.

Sohibjamol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Onlayn qabulda 837 nafar fuqaroning murojaati tinglandi

Xalq qabullari odamlarni qiynab kelayotgan muammolarini bartaraf etishga, orzu...

Emlash — eng yaxshi chora

Internet tarmog‘i borki, bugun dunyoning qaysi burchagida nima sodir...

Cord Versmold Afg‘oniston fuqarolarini o‘qitish ta’lim markazida

Germaniyaning “GIZ” Xalqaro tashkiloti “Afg‘oniston fuqarolarini Tеrmiz shahriga jalb...

Investitsiya loyihalari bilan tanishildi

Ish o‘rinlari yaratilishida xizmatlar sohasi muhim tarmoq hisoblanadi. Ushbu...
KunTun
KunTun