Ishning ko‘zini bilmagan ishsizman, imkonsizman deb o‘tiraveradi. Aksi bo‘lganlar esa yoshi va imkonsizligiga qarab o‘tirmaydi. Izlanadi, harakat qiladi va muvaffaqiyatlarga erishadi. Termiz shahridagi 3-sonli umumtaʼlim maktabining 10-sinf o‘quvchilari Mirzohid Murodov, Shahriyor Boboyev hamda Shamshod Zokirovlar ayni o‘qish-o‘rganish chog‘ida ham tinib-tinchimaydi. Bo‘sh vaqtidan unumli foydalanib, frilanser va dasturlash bo‘yicha bilimlarni o‘zlashtirishdi-da, o‘z daromadiga ega bo‘lishdi. Yosh dasturchilarning o‘rtacha daromadi esa 300-400 dollarni tashkil etadi. Maktab o‘quvchilari uchun esa bu yomon natija emas, albatta.
Bu yo‘lda esa maktabda yaratilgan shart-sharoitlar katta yordam bo‘ldi. Maktabdagi axborot texnologiyalariga qiziqqan borki, sohani o‘rganish uchun bel bog‘lagan.
Hilol
