Tashabbus o’zini oqladi

Date:

Mustaqil bir ishni boshlayman desangiz, gap mablag‘ga borib taqaladi. Imkonsizlik esa boshingizga g‘ujg‘on urayotgan g‘oyalarga to‘sqinlik qiladi. Jarqo‘rg‘onlik Yulduz Mardonaqulova ham kiyim-kechak tikishga qiziqadi. Ustiga-ustak u yashayotgan “Mingchinor” mahallasida ayollar va bolalar kiyimlariga buyurtma beruvchilar ko‘p. Yulduz esa arzon va sifatli kiyim-kechaklar tikib, sotishni yo‘lga qo‘yishni orzu qilardi. Zamonaviy tikish mashina olish esa u uchun xayoldagi ro‘yodek gap edi.
Mana shunday paytda Prezidentimiz tashabbusi bilan mamlakatimizda yoshlarni qo‘llab-quvvatlab, ularning orzu-istaklarini ro‘yobga chiqarish, ish bilan taʼminlash, Vatanga muhabbat, yurtga sadoqat ruhida tarbiyalashga eʼtibor qaratildi. Shunga muvofiq hududlardagi uyushmagan va ishsiz yoshlarni to‘g‘ri yo‘lga yo‘naltirish va ularga kasb-hunar o‘rgatib, hayotdan rozi bo‘lib yashashiga erishishi uchun huquqni muhofaza qiluvchi organlar otaliqqa olish tizimi yo‘lga qo‘yildi.
Surxondaryo viloyati bojxona boshqarmasiga ham Jarqo‘rg‘on tumanidagi 30 nafar uyushmagan va ishsiz yigit-qiz otaliqqa berildi. Ana shu yoshlar ichida Yulduz ham bor edi. Qisqa muddatda boshqarmada tashkil etilgan ishchi guruh otaliqqa olingan yoshlar bilan alohida shug‘ullanib, kasbga yo‘naltirish bo‘yicha suhbat olib bordi. Natijada ishsizlar ishli bo‘ldi. O‘zini o‘zi band qilish istagida bo‘lganlarning-da istaklari o‘z ro‘yobini topdi. Shuningdek, o‘qish kontrakt pulini to‘lashga ko‘maklashish, sog‘ligini tiklash kabi masalalarda ham muammolar hal etilmoqda. Qolaversa, viloyat bojxona boshqarmasi boshlig‘i Qahramon Umarov otaliqqa olingan yoshning 7 nafari bilan uchrashib, ularning to‘rt nafariga payvandlash uskunasi, uch nafariga tikuv mashinasini topshirib, o‘zini o‘zi band qilishga ko‘maklashdi. Yulduz Mardonaqulovaga esa zamonaviy tikuv mashinasi berildi. Shundan so‘ng, munosib rag‘bat topgan yoshlar qatori Yulduz ham tikuvchilikni yo‘lga qo‘yib, uyida o‘tirgan holda daromad ko‘rishni boshladi.
Demak, ishonch bilan aytish mumkinki, yoshlarning manfaatini ko‘zlagan tashabbus o‘zini oqlamoqda. Yoshlar o‘z orzu-istaklari, maqsadlarini ro‘yobga chiqarib, o‘zi va o‘zgalarga, el-u xalqqa naf keltirayotir. Maʼlumotlarga ko‘ra, viloyat bojxona boshqarmasi Jarqo‘rg‘on tumanida otaliqqa olingan va shu kungacha vaqtincha ishsiz bo‘lgan yigit-qizlardan 14 nafarining bandligi taʼminlandi. Ishchi guruh o‘rganishlari yakuni bilan yana 16 nafari o‘zi istagan kasb bo‘yicha ish joyiga ega bo‘ladi.

H.Kamolova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bekatlarni yo‘lovchilarga qaytarish maqsadida…

Bekatlarni yo‘lovchilarga qaytarish maqsadida…Bekatlar “Aqlli” tus olavergani sabab, yo‘lovchi...

“Yulduzli tunlar” romani ingliz tilida chop etildi

Oʻzbekiston xalq yozuvchisi Pirimqul Qodirov qalamiga mansub “Yulduzli tunlar”...

Qizilqoya massividagi issiqxonalar to‘liq ishga tushiriladi

Shoir aytganidek, surxon zaminiga cho‘p qadasangiz, undan barg nishlari...

276 nafar xo‘jalik sifatli elektr energiyasi bilan ta’minlandi

Yilning qay faslida chiroq o‘chsa, o‘chsinki, qishda o‘chmasin. Elektr...
KunTun
KunTun