Yoshlar — Vatanning ertasi. Ularning kelajakda o‘z o‘rinlarini topishi, salohiyatli va bilimli kadrlar bo‘lib yetishishlari yo‘lida barcha qulaylik, shart-sharoitlarni yaratish va imtiyozlar berish tizimli ravishda yo‘lga qo‘yilgan. Talab etilayotgani esa faqat o‘qib o‘rganish. Angor tuman hokimligi, Yoshlar ishlari agentligi xodimlari “Navbahor” mahallasidagi ijtimoiy himoyaga muhtoj oilalarda boʻlib, ana shunday oila farzandlari bilan suhbatlashishdi. Qiziqishlarini oʻrganishdi.
Albatta, har bir yosh uning hayotiga, ertangi kunidagi taqdiriga qiziqishayotganlikarini, e’tibor va g‘amxo‘rlikni ko‘rib, yolg‘iz emasligini tushunadi. Bildirilgan ishonchga munosib javob qaratishga intiladi. Mana shunday maqsad sifatida tashlangan qadam o‘zini oqladi. Suhbat jarayonida yoshlar o‘z qiziqishlari, kelajak orzulari haqida so‘zladilar. Aytish kerakki, bunday o‘rganishlar shunchaki amalga oshirilayotgani yo‘q, toʻgaraklarga qatnashib yanada chuqur bilim olish istagini bildirgan yoshlarning taklifi qoʻllab-quvvatlandi.
Hol so‘rab, yoshlar taqdiriga befarq bo‘lmagan mehmonlar xonadonlarga quruq qo‘l bilan kelishmadi. Ular yosh ko‘ngillarga ma’naviyat va ma’rifat ulashishni maqsad qilishdi. Bolajonlarga tuhfa qilingan “Alpomish” kitobi hamda issiq kiyimlar esa ana shunday maqsadning amaliy ifodasi edi.
S.Murodova
