Bozordagi holat tanqid qilindi

Date:

Sho‘rchiliklar yaxshi biladi. Tumandagi markazi dehqon bozorida sotuvchi va xaridorlar uchun yetarli shart-sharoitlar yaratilmagan. Turgan gapki, bu xaridorga qiyinchilik tug‘dirishi bilan birga ortiqcha vaqtini ham oladi. Bir so‘z bilan aytganda bozor qurilish talablariga rioya qilinmagan holda, ya’ni tartibsiz tashkil etilgan.
Viloyat hokimi Sho‘rchi tumanidagi o‘rganish ishlarini tuman markaziy dehqon bozorida davom ettirib, holatdan norozi bo‘ldi va bozorning qurilish meʼyorlariga mosligini tekshirish, qurilish ishlarini tartibga keltirish, hududda obodonlashtirish ishlarini olib borish bo‘yicha topshiriqlar berdi.
Bir ish boshlashdan avval yeti o‘lchab bir kechish aqidasiga amal qilamiz. Yoshi kattalarning, ulug‘larning maslahatlariga, tavsiyalariga quloq tutamiz. Tumanda katta bozor quriladi-yu, nega endi mas’ullar panja ortidan qarashi kerak? Nega bozorning qurilish loyihasi ustida bosh qotirishmadi. Ajratiladigan mablag‘ havodan uchib kelmaganki, bu kabi mas’uliyatsizlikka yo‘l qo‘yishsa. E’tiborsizlik kechirilmaydi. Bozordagi mavjud holat va uni bartaraf etish chorasini ko‘rmaganligi, korxonalar tomonidan ish o‘rinlarining statistikada aks ettirilmagani va sohasidagi boshqa natijalarning pastligi uchun hokimning birinchi o‘rinbosari va tuman Davlat soliq inspeksyasi boshlig‘iga “hayfsan” intizomiy jazo chorasi qo‘llanildi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bekatlarni yo‘lovchilarga qaytarish maqsadida…

Bekatlarni yo‘lovchilarga qaytarish maqsadida…Bekatlar “Aqlli” tus olavergani sabab, yo‘lovchi...

“Yulduzli tunlar” romani ingliz tilida chop etildi

Oʻzbekiston xalq yozuvchisi Pirimqul Qodirov qalamiga mansub “Yulduzli tunlar”...

Qizilqoya massividagi issiqxonalar to‘liq ishga tushiriladi

Shoir aytganidek, surxon zaminiga cho‘p qadasangiz, undan barg nishlari...

276 nafar xo‘jalik sifatli elektr energiyasi bilan ta’minlandi

Yilning qay faslida chiroq o‘chsa, o‘chsinki, qishda o‘chmasin. Elektr...
KunTun
KunTun