Hammaning ham o‘z oilasi, yaqinlari, qo‘nim topgan makoni bo‘lsin ekan. Aks holda hayotning sinovlari, ming bir chig‘iriqlaridan o‘tishi, sinashta bo‘lishi hech gap emas. davlat esa bunday bolalarni yolg‘izlatib qo‘ymayotgani esa ularning jamiyatda o‘z o‘rnini topishlarida turtki bo‘lyapti.
Qudratullo Latipovning esa bugun quvonchi cheksiz. Qalbi shodlikka to‘lganini ko‘zlari-yu so‘zlari isbotlab turibdi. U bugun yolg‘iz emasligini, Vatani kamarbasta ekanini qalban his etdi. Bu yo‘lda O‘zbekiston Respublikasi Prezidentining “Yetim bolalar va ota-ona qaramog‘idan mahrum bo‘lgan bolalarni davlat tomonidan qo‘llab-quvvatlashning yangi tizimini joriy etish chora-tadbirlari to‘g‘risida”gi qarori hamda O‘zbekiston Respublikasi Vazirlar Mahkamasining 2021-yil 25-oktyabrdagi “Yetim bolalar va ota-ona qaramog‘idan mahrum bo‘lgan bolalarni turar joylar bilan ta’minlash chora-tadbirlari to‘g‘risda”gi qarori dasturil amal bo‘lib xizmat qildi. ushbu qarorlarning ijrosini ta’minlash maqsadida Qudratulloga tumanning “Afrosiyob” mahallasi Binokor ko‘chasi joylashgan uyning 2-qavatidan 3 xonali yangi va zamonaviy koʻp qavatli uy-joyning ramziy kaliti va hujjatlari masʼullar ishtirokida tantanali ravishda topshirildi.
– Uyli bo‘lish hissi boshqacha bo‘lar ekan, Hayajonim cheksiz. Xuddi katta bir xazinaning ega bo‘lgandek taassurotdaman. Ishonaman, yangi uyimda hayotimning eng baxtli va quvonchli lahzalarini o‘tkazaman. Uyli bo‘lishimda xizmatini ayamagan tuman hokimligidan, muhtaram Prezidentimizdan minnatdorman.
Endi Qudratullo o‘z uyida bekam-u ko‘st, farovon hayot kechiradi.
S.Davlatova
