“Ba’zan deputatlar faqat saylovoldi jarayonlarida faollashishadi.” “Biz deputatimiz kim ekanini bilmaymiz”, talqinidagi gap-so‘zlarni ko‘p bora eshitamiz. Unutmaslik kerakki, besh qo‘l baravar emas. shunday deputatlar borki, o‘z ishiga vijdonan yondashadi va xalqni qiynayotgan muammolarni, dard-u tashvishini o‘rganadi. Ularga munosib yechim topish yo‘llarini qidiradi. To‘g‘ri, bunday ishlarda vaqt, mablag‘ kerak bo‘lishi mumkin. Deputatning harakati, tashabbusi bilan bariga munosib yechim topiladi.
Bugun viloyat kengashi deputatligiga 25-Oxunboboyev saylov okrugidan saylangan deputat Gulmira Amirova ham ana shunday g‘ayratli, tashabbuskor deputatlardan. U Qiziriq tuman deputatlari bilan birgalikda qishloq xo‘jalik qurilish kollejida o‘z hudud saylovchilari bilan uchrashuv o‘tkazdi.
Uchrashuvda hudud ahlining taklif va murojaatlarini tingladi. Ularni o‘ylantirayotgan va yechimini kutayotgan masalalarni atroflicha o‘rgandi. Muammolarni bartaraf etish uchun rejalar tuzib oldi.
Umid qilamizki, qiziriqliklarning muammolari qisqa fursatlarda o‘rinli hal etiladi.
S.Murodova
