TerDUga fransuz tili mutaxassislari jalb etiladi

Date:

Mamlakatimizda taʼlim sohasida amalga oshirilayotgan ishlar tahsinga sazovor, albatta. Bu borada elchixonalarning hamkorligini oshirish, kadrlar salohiyatini yanada yuksaltirish lozim. Shu maqsadda Termiz davlat universiteti rektori Avazjon Marahimov boshchiligidagi universitet rasmiylari Fransiya elchisi Orelia Bushez boshchiligidagi delegatsiya aʼzolarini kutib oldi.

Tashkil etilgan uchrashuvda ikki mamlakat taʼlimi tizimidagi hamkorlikni mustahkamlash borasida muzokaralar olib borildi. Samimiy ruhda boshlangan uchrashuvda universitet rahbari mavjud kadrlar bazasidan samarali foydalangan holda universitet qoshidagi akademik litseyda fransuz tilini ikkinchi til sifatida o‘qishni yo‘lga qo‘yish, filologiya va tillarni o‘qitish: fransuz tili yo‘nalishining iqtidorli talabalariga Fransiyaning top-1000 likdagi universitetlarida akademik mobillik asosida ta’lim olishlariga imkon yaratish hamda mazkur yo‘nalishni rivojlantirish maqsadida xorijdan kadrlar jalb etish taklifini berdi.

Qolaversa, til o‘rganish muhim va bugungi davrning talabi hamdir. Asosiysi, kerakli bilim va ko‘nikmani bera oladigan pedagogni tanlay bilishda. Yana bir jihat, o‘rganilayotgan tilga mansub millat vakili dars o‘tsa, o‘rganishga bo‘lgan ishonch yanada oshadi. Bu bilan o‘rganuvchi og‘zaki nutqda ravon so‘zlash, aynan o‘zlashtirish imkonidan bahramand bo‘ladi. Uchrashuv davomida rektor ayni shu masala haqida to‘xtaldi. Fransuz tili va madaniyatini keng targ‘ib qilish maqsadida fransuz tili mutaxassislarini xorijdan jalb etish masalasida amaliy ko‘mak so‘radi.

Shuningdek, Fransiyaning O‘zbekistondagi elchixonasi homiyligi asosida amalga oshirish lozim bo‘lgan vazifalar muhokama qilindi. Surxondaryoda fransuz tilini rivojlantirish maqsadida mazkur yo‘nalish uchun zarur moddiy-texnik baza ajratiladigan bo‘ldi. Kutubxona fondini Fransiyaning Hachette, Didier, Cle international nashrlari tomonidan chop etilgan Methode bilan boyitishda amaliy yordam berish, shu boradagi grantlar haqida ma’lumot olish, akademik mobillik asosida ta’lim olish istagidagi talabalarga Campus France tomonidan qo’llab-quvvatlash borasidagi takliflar, o‘qituvchi-professorlar uchun grantlar ajratilganda, geografik joylashuvni hisobga olgan holda Surxondaryo viloyatiga alohida o‘rin ajratish masalalarida ham to‘xtalib o‘tildi.

Ushbu kelishuv va muzokaralar talaba-yoshlarimizni Fransiyaning nufuzli oliy ta’lim muassasalarida o‘qib, tajriba oshirishlariga zamin hozirlaydi.

H.Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Ibrat farzandlari” ibrat ko‘rsatdi

Til bilishga qiziquvchi yoshlarning safi tobora kengayib bormoqda. Qay...

Yangi loyihalar taqdimoti bilan tanishildi

Surxondaryo viloyati hokimi Ulug‘bek Qosimov Jarqo‘rg‘on tumaniga tashrif buyurib,...

G‘alladan bo‘shagan yer maydonlari yoqib yuborildi

Ma’lumki, inson salomatligi muhim ahamiyatga ega, buning uchun eng...

Voha bo‘ylab sayohat

Ta’til maroqli o‘tishi uchun har bir kunni munosib rejalashtirish...
KunTun
KunTun