Shohrux Xolov va Jamshid Abdurahmonov mohir gandbolchi. Ular Sariosiyo tuman 1-son Bolalar va o‘smirlar sport maktabida o‘qib, o‘z mahoratlarini oshirishgan. Ular o‘yinga tushgan jamoani o‘ziniki qilib oladi va hamjihatlikda g‘alaba sari odimlashadi. Shak-shubha yo‘qki, muvaffaqiyatga erishishadi.
Sportning gandbol turi bo‘yicha bo‘lib o‘tgan O‘zbekiston chempionatida ham ayni shu holat takrorlandi. Sababi viloyat terma jamoasi Shohrux va Jamshid kabi yoshlardan tarkib topgan-da. Aytish kerakki, chempionatga Surxondaryo viloyati mezbonlik qildi.
Bu o‘yin eng, eng yaxshi o‘yinchilarni, iqtidorlilarni O‘zbekiston milliy terma jamoasiga saralash o‘yinidir. G‘oliblik uchun maydonga tushgan o‘smir gandbolchilar bo‘sh kelishmadi. Iftihor bilan aytish mumkinki, viloyatimiz terma jamoasi o‘z ustunligini ko‘rsatib, Respublika chempionligini qo‘lga kiritdi.
S.Davlatova
