“Ayollar daftari”ning shakllantirilishi, muammolarni hal etib, manzilli ko‘mak ko‘rsatiladigan tizimning ishlashi, albatta, ishsiz, yordamga muhtoj xotin-qizlarga qo‘l-qanot vazifasini o‘tayapti. Sherobod tumanida ushbu ro‘yxatga 2490 nafar xotin-qiz kiritilgan bo‘lib, ayni vaqtda “Ayollar daftari”ning 1- va 3-toifalariga kiritilgan, ya’ni ishsiz va boquvchisini yo‘qotgan, ijtimoiy himoyaga muhtoj xotin-qizlarni qo‘llab-quvvatlash ishlari olib borilmoqda.
Birinchi navbatda ularning bandligini ta’minlash, doimiy daromad manbaiga ega qilish maqsadida tumanda “Ayollar daftari” jamg‘armasidan 200 million so‘m mablag‘ ajratildi va inkubatorlar xarid qilindi. Ayni vaqtda ushbu inkubatolar subsidiya asosida o‘z egalariga topshirilmoqda. 1-sektorda 16 nafar, 2-sektorda 30 nafar, 3-sektorda 25 nafar, 4-sektorda 29 nafar xotin-qiz ana shunday inkubator bilan ta’minlanganidan aytish mumkinki, shuncha xotin-qiz o‘z bandligini ta’minlab, qisqa fursatlarda daromad ko‘rishni boshlaydi.
S.Davlatova
