Angorlik aka-uka Shavkat va Furqat Fayzullayevlar mohir sportchi. Ularning murabbiyligi ostida tayyorlangan sportchi yoshlar yuqori natijalarni qayd etayotgani, albatta, quvonarli hol. Toshkent shahridagi muhtasham Yunusobod sport majmuasida WAKO, ya’ni Butunjahon kikboksing assosatsiyasi tashkiloti tashabbusi bilan sportning kikboksing turi bo‘yicha Uzbekistan open – 2” xalqaro turnirida ham aka-uka murabbiylarning shogirdlari ham munosib ishtirok etishdi.
Xalqaro turnirda 23 davlatdan 2 mingdan ziyod sportchi turli vaznlarda qatnashdi. Aytish kerakki, raqobat kuchli, bir-biridan jismoniy imkoniyat jihatidan bellasha oladigan sportchilar jam bo‘lgan turnir o‘ziga ishonga sportchini-da, hayajonlantirishi tabiiy. Puxta tayyorgarlik ila kelganlar mardi maydon bo‘lishdi. Kuchlar, imkoniyatlar sinovdan o‘tkazilib, angorlik sportchilar ham bo‘sh kelishmadi. Ustozlari ishonchi va mehnatlarini oqlashdi. Asadbek Qurbonov 2-, Abdulaziz Usmonov, Javohir Karimov, Asilbek O‘ralovlar esa 3-o‘rinni band etishdi va turnir tashkilotchilarining faxriy yorliqlari hamda medallari bilan mukofatlanishdi.
S.Murodova
