“Navro‘z”da sartaroshxona ochildi

Date:

Qo‘lida hunari bor odamning maqsadi-yu rejasi undan foydalanish, el-u xalqqa naf keltirish bo‘ladi. Ish boshlash uchun esa kerakli motivatsiya va qo‘llab-quvvatlovni bersangiz, ishlar “besh” deyavering.
Qiziriqlik Abdurashid Xudoyberdiyev ham qo‘lida guldek hunari bo‘la turib, ishsizlar safini kengaytirishni istamadi. O‘zi yashaydigan “Navro‘z” mahallasi hokim yordamchisi Shuhrat Pardayev bilan maslahatlashib, kerakli yo‘l-yo‘riqlarni oldi-yu, ishni boshlab yubordi. Qisqa muddatda berilgan 30 million so‘mlik imtiyozli kredit mablag‘i mahalla markazida zamonaviy sartaroshxona ochishga, kerakli anjomlarni olishga yetdi.
Sartaroshxona ish boshlashi bilan mahallaning yosh-u keksasi eshik qoqib kela boshladi. Mehnat bilan topilgan pulning qadri boshqacha bo‘ladi. Abdurashid qo‘lini ko‘ksiga qo‘yib kelgan mijozlarning ko‘nglini xushnud qilib jo‘natar ekan, mehnatidan rozi. Ishidan zavq olib ishlayotir.
Mahalla ahliga ham yaxshi, ham qulay bo‘ldi, sababi endi ular sartaroshxona izlab tuman markaziga vaqt va naqd sarflab borishmaydi.

S.Normurodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SHEROBODDA G‘O‘ZA OCHILDI

Paxtakorlar javlon urib mehnat qilishgan bo‘lsa, dalalarda g‘o‘zalarning qiyg‘os...

Oylik doirasida…

Onlayn savdo orqali pulini o‘tkazib berganingizdan so‘ng, xaridingizni yetib...

Hosilga hosil qo‘shadi

Angor tumanida 4734 gektar maydonga go‘za ekilgan bo‘lib, hozirgi...

Odamlar nima deydi?

Erta tongdan ishga otlanishimni kuzatadigan oyim doimo sinchkovlik bilan...
KunTun
KunTun