Konstitutsiyaga o‘zgartirish va qo‘shimchalar kiritishdan ko‘zlangan maqsad nima? Aholi tomonidan bildirilayotgan takliflarning Konstitutsiyaviy komissiyada ko‘rib chiqilishi va qabul qilinishi bo‘yicha olib borilgan ishlar, amalga oshirilayotgan jarayonlar qanday kechyapti?
Termiz shahar hokimligi faollar zalida “Mening Konstitutsiyam!” mavzusida shahar Kengashi deputatlari, kotibiyat xodimlari, mahalla fuqarolar yig‘inlari raislari, xotin-qizlar faollari hamda ommaviy axborot vositalari vakillari ishtirokida bo‘lib o‘tgan davra suhbatida ayni shu masalalardagi savollarga javob olish mumkin bo‘ldi.
Tadbirda Senator Odiljon Iminov, Oliy Majlis Qonunchilik palatasi deputati Botir Mardayev o‘z ma’ruzalari bilan qatnashib, Konstitutsiyaga kiritilayotgan o‘zgartish va qo‘shimchalarning mazmun-mohiyati haqida atroflicha fikr yuritdilar.
O‘zbekiston Respublikasining Konstitutsiyaviy qonuni loyihasining umumxalq muhokamasiga bag‘ishlangan tadbirlar hududlar kesimida davom etadi va aholi o‘zgaritish va yangiliklardan voqif etib boriladi.
S.Davlatova
