Yerni boqsang, yer seni boqadi, deyishadi. Haqiqatan ham biroz e’tibor va tiriklik manbai — suv bo‘lsa, cho‘pni suqsak-da, ko‘karib bir bog‘ yaraladi. Oltin vohaning bepoyon maydonlaridan unumli foydalanish, hali o‘zlashtirilmagan yer maydonlarini o‘zlashtirib, yashil makonga aylantirish ishlari uyushqoqlik bilan davom etayotir.
O‘zbekiston Respublikasi Prezidentining PQ-4995 sonli qaroriga asosan Bobotog‘ hududidagi “Yangiobod” mahallasidan Kofirnihon daryosiga nasos stansiyasi o‘rnatish ishlari boshlab yuborilgan. Diametri Д-630 mm bo‘lgan 2,5 kilometr quvur tortish ishlari olib borilmoqda. Loyiha qiymati 8 milliard so‘mni tashkil etib, Respublika byudjeti hisobidan moliyalashtirilgan.
Aytish kerakki, ushbu loyiha amalga oshirilishi natijasida 300 ga yer maydonining suv ta’minoti yaxshilanadi va yangi yerlar o‘zlashtiriladi.
Hilol
