Kitob dunyoqarashni kengaytiradi. Kelajak hayot uchun qabul qiladigan har bir qarorimizni o‘ylab, mushohada qilib qabul qilishga undaydi. O‘zlikni anglashni, menimizni shakllantirishni, jamiyatda o‘z o‘rnimizni topishga kuch beradi. Kitob va mutolaa imkoniyatlar kaliti.
Kitobxonlikka qiziqtirish uchun esa yoshlarning qiziqish va intilishlarini hisobga olish lozim. Termiz shahridagi Prezident maktabida esa ayni shu jihatlarni yaxshi anglagan pedagog-o‘qituvchilar “Read and Travel” loyihasiga start berdilar.
Loyiha doirasida o‘quvchilar bir hafta mobaynida belgilangan kitobni o‘qib chiqishlari va taassurotlari bo‘yicha insho yozishlari lozim edi. shunday bo‘ldi ham. Eng yaxshi insho yozgan o‘quvchilar esa Al-Hakim at-Termiziy ziyoratgohiga sayohatga bordilar.
Ham ziyorat, ham sayohat bahonasida o‘quvchi yigiy-qizlar o‘zlari uchun qimmatli ma’lumotlarni bilib olgan bo‘lsalar, qo‘llarini duoga ochib, o‘tganlar ruhini shod aylashdi.
H.Baxtiyorova
