Joriy yilning 6-8-may kunlari bo‘lib o‘tadigan “Boysun bahori” xalqaro festivalining dastlabki kunida, ya’ni 6-may kuni sport tadbirlari o‘tkazilishi rejalashtirilgan.
Dastlabki kuni xorijiy va mahalliy mehmonlar kutib olingach, ularga vohamizning sport salohiyatini namoyish etish, madaniy va ko‘ngilochar, diqqatga sazovor Boysunni ko‘rsatish reja qilingan.
Musobaqa davomida Tangisar darasidan Darbandgacha bo‘lgan masofada velomarafon o‘tkaziladi. Mazkur tadbirni tashkil etishda bevosita viloyat sport boshqarmasi mas’ul etib belgilangan va tadbirni ko‘tarinki ruhda o‘tkazish uchun viloyat Velosport federatsiyasiga bitta “Damas” avtomobili hamda 40 ta velosiped olib berilgan.
Bunda bevosita sayyohlar velosport musobaqalaridan bahramand bo‘lish barobarida Boysunning eng chiroyli, go‘zal va betakror tabiati qo‘ynida sayr qilishadi.
E.Elmurodova
