Viloyat bo‘ylab “Yashil makon” loyihasi doirasidagi ishlar jadallik ila davom etayotir. Reja asosida hududlar obod bo‘lib, ko‘chat o‘tkazish ishlari qizg‘in tus olgan. Bu borada jarqo‘rg‘onliklar ham yetakchilikni qo‘ldan boy berishgani yo‘q. Ezgu niyat ila mevali va manzarali hamda buta ko‘chatlari ekilmoqda.
Ayniqsa, tuman Ekologiya va atrof muhitni muhofaza qilish bo‘limi tomonidan Ekologiya ko‘chasini tashkil etish bo‘yicha amaliy ishlar olib borildi. “Qoraqursoq” mahallasidagi ko‘chalardan biri tanlab olinib, 465 tup archa va tut daraxti ko‘chatlari ekilgan holda Ekologiya ko‘chasi deya nomlandi. Ko‘kalamzorlashtirish ishlari davom etmoqda.
S.Normurodova
