Ertangi kunidan umidi katta, tinch va farovon hayot turmush kechirishni maqsad qilgan fuqarolar saylovda faol ishtirok etmoqda. Ertalab soat 8:00 da uyushqoqlik bilan boshlangan saylovda 18:00 ga qadar 963 ming 92 nafar saylovchilar o‘zlari munosib deb topgan nomzodga ovoz berdi.
Muddatidan ilgari O‘zbekiston Respublikasi Prezidenti saylovini o‘tkazuvchi 9-Surxondaryo okrug saylov komissiyasida tashkil etilgan matbuot markazida bo‘lib o‘tgan brifingda batafsil ma‘lumot berildi.
Ta’kidlash joizki, viloyatimizda jami 1 415 767 nafar fuqaro saylovchi sifatida ro‘yxatdan o‘tgan bo‘lib, 403 ming 506 nafari muddatidan ilgari ovoz bergan.
Mamlakatimiz taraqqiyotini belgilashga xizmat qiladigan ushbu siyosiy jarayonda fuqarolarning o‘z xohish irodasini erkin ifoda etayotgani vohaliklar ham mamlakat taqdirida o‘zini daxldor deb bilishi va ovozi muhim ekanligini dildan his qilgan holda saylovda ishtirok etayotgani diqqatga sazovor.
Saylov jarayonlari soat 20:00 ga qadar davom etadi.
Adolat MO‘MINOVA,
Naimullo MUHIBULLOYEV
(surat)
