Issiq jonning issig‘i chiqsa yoki biror kasallik jiddiy xavf sola boshladimi darrov tez tibbiy yordamga sim qoqamiz va zumda kelgan “Tez yordam” jonimizga ora kiradi. Barcha sohalar qatori tez tibbiy yordam xizmati tizimida ham e’tiborga molik ishlar amalga oshirilmoqdaki, bu tez tibbiy yordam samaradorligini oshirishga, aholining mushkulini oson qilishga xizmat qilayotir. Bu borada O‘zbekiston Respublikasi Prezidentining 2022-yil 16-iyundagi PQ-283-sonli qarori dasturil amal bo‘lib xizmat qilayotir. Qarorda berilgan topshiriqlar ijrosini taminlash maqsadida Qiziriq tuman tibbiyot birlashmasida Shoshilinch tez yordam bo‘limi o‘zgartirilib, Qabul-emerency department bo‘limi tashkil etildi. Natijada esa bemorlarni saralash imkoniyati yaratildi, ya’ni yashil, sariq va qizil zonalar tashkil qilindi.
Qabul-emerency department bo‘limi uchun investitsiya dasturi doirasida “Bektepa idial” MCHJ tomonidan 5 milliard 14 million so‘m mablag‘ hisobiga mavjud shoshilinch tez yordam bo‘limiga qo‘shimcha 2 qavatli bino qurilib, foydalanishga topshirildi. O‘z navbatida bu esa tuman ahlining shoshilinch tibbiy yordamga bo‘lgan ehtiyojini qondirib, tibbiy xizmatlar ko‘rsatish sifatini yaxshilaydi.
Sohibjamol
