1 oktyabr — Ustoz va murabbiylar kuni munosabati bilan Ichki ishlar boshqarmasi tomonidan ma’naviy-ma’rifiy tadbir tashkil etildi.
Tadbir doirasida o‘tkazilgan “Uch avlod uchrashuvi”da ishtirokchilarga mazmunli spektakl namoyish etildi. Bosh prokuror tashabbusi bilan sahnalashtirilgan ushbu asarda Sovet Ittifoqi davrida Surxondaryoda faoliyat yuritgan prokurorlarning murakkab va ayanchli taqdiri, kasbiy faoliyati davomida boshdan kechirgan sinovlari badiiy talqinda aks ettirildi.
Spektaklda inson taqdiri, kasbga sadoqat, matonat va mas’uliyat kabi tushunchalar hayotiy voqealar orqali yoritildi. Sahna asari tomoshabinlarda katta taassurot qoldirib, o‘tmish saboqlariga yana bir bor nazar tashlash imkonini berdi.
Bunday tadbirlar xodimlarning nafaqat mazmunli hordiq chiqarishi, balki jamoada o‘zaro muloqot va hamjihatlikni mustahkamlashiga ham xizmat qiladi. “Uch avlod uchrashuvi” esa turli avlod vakillarini bir maydonda jamlab, kasbga sadoqat va xizmat mas’uliyati kabi qadriyatlarni yanada chuqurroq his etishga imkon berdi.
