Qurbon hayiti munosabati bilan Prezidentimiz tashabbusi asosida ehtiyojmand va bemor fuqarolarni qo‘llab-quvvatlashga qaratilgan keng ko‘lamli xayriya tadbirlari amalga oshirilmoqda.
Xususan, respublika bo‘ylab 10 ming nafar bemor bolada bepul jarrohlik amaliyotlarini o‘tkazish, minglab onkologik va gematologik xastalikka chalingan bemorlarni davolash hamda ota-ona qaramog‘idan mahrum bo‘lgan bolalarni moddiy qo‘llab-quvvatlash ishlari yo‘lga qo‘yildi.
“Vaqf” xayriya jamoat fondi boshchiligida amalga oshirilayotgan bu ezgu tashabbuslar jamiyatda mehr-oqibat, saxovat va inson qadrini ulug‘lash tamoyillari tobora mustahkamlanayotganining yorqin ifodasidir.
