Yoshlarning xalqaro fan olimpiadalarida erishayotgan yutuqlari mamlakatimiz ta’lim tizimidagi islohotlar va iqtidorli o‘quvchilarni qo‘llab-quvvatlash borasidagi sa’y-harakatlarning muhim samarasidir. Bunday natijalar yurtimiz nufuzini xalqaro maydonda yanada yuksaltirmoqda.
Gretsiyada o‘tkazilgan 43-Bolqon matematika olimpiadasi yakunlariga ko‘ra, O‘zbekiston terma jamoasi tarixiy natija qayd etib, 5 ta oltin medalni qo‘lga kiritdi.
Quvonarlisi, ushbu nufuzli xalqaro olimpiada g‘oliblari safida Surxondaryo viloyati vakillari — Termiz shahridagi 14-sonli umumta’lim maktabi o‘quvchilari Javohir Anvarov hamda Elshod O‘ralov ham munosib natijalarga erishdi. Yoshlarning bu muvaffaqiyati ularning bilim va salohiyati bilan birga, ta’limga qaratilayotgan yuksak e’tiborning yorqin ifodasi bo‘ldi.
