Surxondaryo viloyatida mahallalarni jinoyatchilikdan holi hududga aylantirish, yashirin iqtisodiyot va kiberjinoyatlarga qarshi kurashni samarali tashkil etish bo‘yicha seminar o‘tkazildi.
Unda viloyat hokimi Ulug‘bek Qosimov, viloyat prokurori, Ichki ishlar va Milliy gvardiya boshliqlari hamda boshqa huquqni muhofaza qiluvchi organlar rahbarlari ishtirok etdi. Seminar davomida “Do‘stlik” mahallasida amalga oshirilayotgan chora-tadbirlar, ilg‘or tajribani boshqa hududlarda joriy etish va jamoat tartibini ta’minlash bo‘yicha aniq vazifalar belgilandi.
Mazkur tadbir jinoyatchilikning oldini olish va aholining xavfsizligini mustahkamlashda muhim ahamiyat kasb etmoqda.
