Yangi qonunga kiritilgan o‘zgartirishlarga ko‘ra, belgilangan ro‘yxatdagi kitoblarni o‘qigani tasdiqlangan ayrim mahkumlarga jazo muddatini qisqartirish imkoniyati berilmoqda. Bunda umrbod ozodlikdan mahrum etilgan shaxslar istisno qilinadi.
Qoidalarga muvofiq, har bir o‘qilgan kitob uchun jazo muddati 3 kunga qisqartirilishi mumkin, bir yil davomida esa bu muddat eng ko‘pi bilan 30 kunni tashkil etadi. Kitob o‘qiganlik maxsus komissiya tomonidan imtihon (baholash) asosida aniqlanadi.
Komissiya xulosasi ijobiy bo‘lgan taqdirda, muassasa ma’muriyati sudga jazo muddatini qisqartirish to‘g‘risida taqdimnoma kiritadi. Yakuniy qaror esa sud tomonidan qabul qilinadi.
