Yosh avlodni harbiy-vatanparvarlik, milliy va umuminsoniy qadriyatlarga hurmat, yuksak ma’naviy-axloqiy fazilatlar ruhida tarbiyalash maqsadida har bir tumanda bitta umumiy o‘rta ta’lim maktabi negizida “Jasorat maktabi” faoliyatini yo‘lga qo‘yish belgilangan.
Mazkur tashabbus doirasida Termiz tumanida 2-sonli umumiy o‘rta ta’lim maktabi “Jasorat maktabi”ni tashkil etish uchun tanlab olindi. Ayni paytda maktabda sinfxonalarni moslashtirish, sport maydonlarini jihozlash hamda qo‘shimcha obyektlar barpo etish bo‘yicha amaliy ishlar olib borilmoqda.
“Jasorat maktabi” yoshlarni jismonan sog‘lom, ma’naviy yetuk va Vatanga sadoqatli etib tarbiyalashga xizmat qiladi.
