“Taraqqiyot va yetakchilik maskani” dasturi doirasida mahallalar infratuzilmasini yaxshilash, aholi turmush darajasini oshirishga qaratilgan keng qamrovli chora-tadbirlar izchil amalga oshirilmoqda. Surxondaryo viloyati hokimining tashabbusi bilan Termiz tumanidagi “Yangiariq–Surxon” hududida, M-41 avtomagistrali bo‘ylab joylashgan beshta mahallada ham mazkur dasturni amalga oshirish belgilandi.
Viloyat hokimi Ulug‘bek Qosimov rahbarligida o‘tkazilgan yig‘ilishda ushbu mahallalarda infratuzilmani rivojlantirish, aholi turmush farovonligini oshirish, tadbirkorlik loyihalarini yo‘lga qo‘yish orqali yangi ish o‘rinlari yaratish hamda kambag‘allikni qisqartirish masalalari muhokama qilindi.
Mas’ullarga ishlarga zudlik bilan kirishish, yo‘llarni ta’mirlash va asfaltlash, M-41 avtomagistrali bo‘ylab mavjud salohiyatdan samarali foydalanish, yo‘lbo‘yi hududlarining shaharsozlik qiyofasini zamonaviylashtirish bo‘yicha aniq vazifalar yuklatildi.
