Faollar taqdirlandi

Date:

8-yanvar — O‘zbekiston Respublikasi prokuratura organlari xodimlari kuni munosabati bilan prokuratura organlarida o‘tgan yil davomida amalga oshirilgan ishlar sarhisob qilindi hamda soha rivoji va qonun ustuvorligini ta’minlash yo‘lida fidoyilik bilan xizmat qilib kelayotgan xodimlarning samarali faoliyati alohida e’tirof etildi.

Shu munosabat bilan Majburiy ijro byurosining Surxondaryo viloyati organlarida faoliyat yuritib kelayotgan bir guruh tashabbuskor va mas’uliyatli xodimlarning xizmatlari munosib baholandi. Tantanali tadbirda ularga O‘zbekiston Respublikasi Bosh prokurori, Majburiy ijro byurosi direktori hamda Byuroning viloyat boshqarmasi boshlig‘i nomidan faxriy yorliqlar, tashakkurnomalar va esdalik sovg‘alari topshirildi.

Jumladan, O‘zbekiston Respublikasi Bosh prokurorining tegishli buyrug‘iga asosan, Majburiy ijro byurosi Surxondaryo viloyati boshqarmasining Surishtiruv va ma’muriy amaliyot sho‘basi surishtiruvchisi Sh.Shoto‘rayev ko‘p yillik samarali mehnati va yoshlarga namunali ustozligi uchun “Faxriy murabbiy” ko‘krak nishoni bilan taqdirlandi.

Mazkur e’tirof prokuratura organlari tizimida mas’uliyatli va fidoyi xodimlarni rag‘batlantirish, ularning xizmat faoliyatini yanada qo‘llab-quvvatlashga xizmat qiladi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Toshkent sahnasida “Momo yer”

Toshkentdagi Muqimiy teatrida Respublika teatr festivali doirasida Surxondaryo, Samarqand...

Hakim Termiziy merosi dunyo olimlari nigohida

Termiz shahridagi Imom Termiziy xalqaro ilmiy-tadqiqot markazida buyuk alloma...

O‘quvchilar harbiylar bilan uchrashdi

Denov tumanidagi 76-sonli umumta’lim maktabida Xayrabod garnizonida joylashgan harbiy...

Yagona imtihon joriy etiladimi?

O‘zbekistonda maktab o‘quvchilarining bilimini baholash va yakuniy imtihonlar tartibini...
KunTun
KunTun