Sherobod tumanida Yangi yil bayrami arafasida ehtiyojmand oilalar, kam ta’minlangan fuqarolar hamda yolgʻiz yashovchi keksalarni qo‘llab-quvvatlashga qaratilgan xayriya tadbiri tashkil etildi. Mazkur ezgu tashabbus doirasida tuman hokimligi tomonidan ularga bayram oldi oziq-ovqat mahsulotlari, kundalik iste’mol uchun zarur tovarlar hamda Yangi yil sovg‘alari berildi.
Tadbir doirasida nafaqat moddiy yordam ko‘rsatildi, balki bayramona muhit yaratilib, mehr-oqibat, g‘amxo‘rlik va insonparvarlik qadriyatlariga alohida e’tibor qaratildi. Ushbu xayriya tashabbusi tumanda ijtimoiy hamjihatlikni mustahkamlash, ehtiyojmand qatlamlarni qo‘llab-quvvatlash hamda Yangi yilni har bir xonadonga quvonch va umid bilan qarshi olishga xizmat qilmoqda.
