Shomurodov chempionatda yetakchi

Date:

Turkiya Superligasining 16-turi doirasida bo‘lib o‘tgan “Samsunspor” — “Istanbul Boshoqshehir” uchrashuvida Eldor Shomurodov yorqin o‘yin namoyish etdi. O‘zbekistonlik hujumchining gol va assisti jamoasining 2:0 hisobidagi g‘alabasini ta’minladi.

Uchrashuvning 66-daqiqasida Shomurodov raqib futbolchisining qo‘pol xatosidan unumli foydalanib, hisobni ochdi. 83-daqiqada esa jamoadoshining goliga assistentlik qilib, o‘yindagi ikkinchi golga ham bevosita hissa qo‘shdi. Eldor 87-daqiqada zaxiraga olindi.

Mazkur o‘yin natijasiga ko‘ra, Shomurodov Turkiya chempionatida “gol+pas” tizimi bo‘yicha yetakchilikni qo‘lga oldi. Hozirda uning hisobida 11 ta gol va 2 ta assist mavjud. Ikkinchi o‘rinda esa “Trabzonspor” safida to‘p surayotgan nigeriyalik hujumchi Pol Onuachu bormoqda — 11 gol va 1 assist.

Shomurodovning barqaror va samarali o‘yini “Samsunspor”ning chempionatdagi imkoniyatlarini yanada mustahkamlab bormoqda. Ayni paytda “Istanbul Boshoqshehir” 16 o‘yindan so‘ng 20 ochko jamg‘arib, turnir jadvalining 8-pog‘onasidan joy olgan.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

EKOLOGIK BILIM VA TASHABBUSLAR BELLASHUVI

Yosh avlodda ekologik madaniyatni yuksaltirish, tabiatga mas’uliyatli munosabatni shakllantirish...

Polvonlik shaʼni va mardlik sharafi ulugʻlanmoqda

Surxon vohasida azaldan mardlik, jasorat va polvonlik qadrlangan. Bugun...

Vazn toifasida tengsiz

Yoshlarning sport maydonlarida erishayotgan yutuqlari nafaqat ularning shaxsiy muvaffaqiyati,...

KITOBXON YOSHLAR SAFI KENGAYMOQDA

Oltinsoy tumanidagi 64-sonli umumiy o‘rta ta’lim maktabida o‘quvchilar o‘rtasida...
KunTun
KunTun