Termiz shahrining “Guliston” mahallasi, “Fidokorlar” ko‘chasida yillar davomida ishlamay turgan svetofor bo‘yicha aholi murojaatlari nihoyat yechim topdi. Uzoq vaqt qog‘ozbozlik sababli hal etilmay kelgan masala bo‘yicha mas’ul idoralar amaliy choralar ko‘rib, svetoforni to‘liq ta’mirladi va elektr tarmog‘iga ulab, ishga tushirdi.
Hududda bog‘cha, maktab va xonadonlar joylashgani bois, svetoforning ishlashi piyodalar hamda haydovchilarning xavfsiz harakatlanishi uchun nihoyatda muhim edi. Endilikda ushbu yo‘lakda harakat tartibi tiklanib, bolalar va katta yoshdagilar uchun xavfsizlik kafolatlandi.
Mas’ullar tomonidan hisoblagich o‘rnatilib, svetoforning barqaror ishlashi ta’minlandi. Bu esa aholining uzoq kutilgan muammosiga aniq yechim berilganini ko‘rsatadi.
