Termiz davlat muhandislik va agrotexnologiyalar universitetiga biriktirilgan tajriba-sinov maydonida obodonlashtirish va ko‘kalamzorlashtirish ishlari keng ko‘lamda davom etmoqda.
Maydonda suvdan samarali foydalanish maqsadida ariqlar betonlashtirilmoqda. Shuningdek, yerdan unumli foydalanish va ertapishar, sifatli mahsulot yetishtirish maqsadida to‘qsonbosti usulida mahalliy iqlimga mos piyoz navlari ekildi. Kechki karam ekinining o‘sish jarayoni muntazam nazorat qilinib, agrotexnik talablarga asosan parvarish ishlari olib borilmoqda.
Maydon xavfsizligini ta’minlash maqsadida uning atrofi sim panjara bilan o‘ralmoqda. Ushbu tajriba-sinov maydoni voha sharoitiga mos, hosildor va resurslarni tejaydigan qishloq xo‘jaligi texnologiyalarini amaliyotda sinovdan o‘tkazishga xizmat qiladi.
