Toshkent shahrida o‘tkazilgan karate WKF yo‘nalishidagi xalqaro chempionat yurtimiz sportchilari uchun yirik muvaffaqiyatlarga boy bo‘ldi. Unda Hindiston, Pokiston, Rossiya, Qozog‘iston, Qirg‘iziston, Tojikiston va Eron Islom Respublikasi kabi mamlakatlardan eng iqtidorli sportchilar ishtirok etishdi.
Musobaqaning eng yorqin ishtirokchilaridan biri — Sariosiyo tumanidagi 4-umumta’lim maktabining 9-sinf o‘quvchisi Shuhrat Xolmatov bo‘ldi. U qat’iyat, mahorat va g‘alabaga ishonch bilan ringga chiqib, barcha raqiblarini ortda qoldirdi va faxrli 1-o‘rinni qo‘lga kiritdi.
