Elektr energiyasi, gazsiz yashashimiz mumkin, ammo suvsiz yashab bo‘lmaydi. Suv obihayot, suv tiriklik manbayidir. Suv bo‘lsa, muammolar hal. Suv ichish va boshqa maqsadlar uchun ham zarurat bo‘lsa, suvdan elektr energiyasi ham olish mumkinligi siz-u bizga yaxshi ayon.Sho‘rchi tumanining suv tanqis bo‘lgan hududlaridan biri “Joyilma” mahallasida tashkil etilayotgan quduqlarni doimiy tarzda elektr quvvati bilan ta’minlash maqsadida Investitsiya vazirligining tashabbusi bilan ushbu quduqlarga quyosh panellari o‘rnatilmoqda.
Investitsiya, sanoat va savdo vazirligi xodimi Bahodir Jamolov tuman hokimi Akbarali Ishmurzoyev hamrohligida quyosh panellarini o‘rnatish ishlari bilan tanishdi. “Joyilma” mahallasida har biri 20 quvvat bo‘lgan 2 ta quduqda quyosh panellarini o‘rnatish ishlari amalga oshirilmoqda.
