Egnida harbiylik libosini kiyib, zimmasiga vatanni himoya qilishdek, sharafli burchni bajarayotgan harbiylarni ko‘rgan yosh borki, havas bilan boqadi. Ayni ulardek bo‘lishni ko‘ngliga tugadi. Turgan gapki, unday yoshlardan yomonlik chiqmaydi. Maqsadimiz esa ana shunday yoshlarni tarbiyalashdir.
Termiz tumanidagi 18-maktabda tumandagi “Gulbahor” MFYda joylashgan DXX Chegara qo‘shinlariga qarashli harbiy qism tomonidan “Mard askarlar yoshlarga namuna” shiori ostida qurol-yarog‘lar ko‘rgazmasi tashkil qilindi. Ko‘rgazma davomida yurt himoyachilari tomonidan yoshlarga davlat chegarasini qo‘riqlash va himoya qilishda qo‘llanadigan qurol-aslahalar namoyish etildi. Qiziqarli kechgan namoyishda o‘quvchi-yoshlar o‘zlarini qiziqtirgan savollarga javoblar olishdi.
Tadbir so‘nggida maktab ma’muryati hamda o‘quvchi-yoshlar harbiy xizmatchilarga yurt tinchligini saqlashda hech qachon charchamasligini aytib, o‘z minnatdorchiligini bildirishdi.
O.ISMOILOV,
kapitan
