Ma’lumki, chegaralarimiz daxlsizligini ta’minlash yurt posbonlarining zimmasidagi muqaddas vazifa hisoblanadi. Ular kunni tunga ulab, yozning jazirasi-yu, qishning ayozli kunlarida birdek o‘z postlarida sobit turib, yurtimizning tinchlik va osoyishtaligini ta’minlashdek zaxmatli vazifani matonat bilan uddalashmoqda.
14 yanvar — “Vatan himoyachilari kuni” munosabati bilan yurtimizda davom etayotgan vatanparvarlik oyligi doirasida Surxondaryo viloyatida joylashgan “N” harbiy qismda muddatli harbiy xizmat oddiy askarlariga bayramona kayfiyat ulashish maqsadida konsert dasturi tashkil etildi. Tadbirda sho‘x kuy-qo‘shiqlar yangrab, harbiy xizmatchilarga xush kayfiyat ulashdi. “Jayxun” badiiy dastasining mohir sozandalari tomonidan ijro etilgan, yurtimiz osoyishtaligini madh etuvchi navolar tadbirga yanada fayz bag‘ishladi.
Husniddin HAKIMOV,
DXX chegara qo‘shinlari harbiy xizmatchisi
