Bayrog‘imiz Antraktida cho‘qqisida…

Davlat ramzlarimizdan faxrlanamiz. Madhiyamiz yangrasa, beixtiyor qo‘limiz ko‘ksimizda bo‘ladi. Qaysidir davlatda bayrog‘imiz hilpirayotgan bo‘lsa, o‘zbekligimizdan g‘ururlanib ketamiz. Biz ana shunday tarbiya topganmiz, vatanparvarlik qon-qonimizga, jonimizga singib ketgan. Albatta, davlat ramzlarimiz haqidagi qimmatli ma’lumotlardan ham xabardorligimiz o‘zimizga bo‘lgan ishonchimizni-da oshiradi.
Sherobod tuman Maʼnaviyat va maʼrifat bo‘linmasi tashabbusi bilan tumandagi “Bahor” mahallasida joylashgan Ixtisoslashtirilgan maktabida 18-noyabr – O‘zbekiston Davlat bayrog‘i qabul qilingan kun munosabati bilan o‘quvchilar o‘rtasida bayroqdagi ranglarning ma’nosi va timsollari haqida o‘tkazilgan tadbir esa ayni bilimlarni yanada mustahkamladi.
Tadbirda savol-javoblarda faol ishtirok etgan o‘quvchilarga tuman Maʼnaviyat va maʼrifat bo‘linmasi tomonidan kitoblar sovg‘a qilindi. Ayniqsa, “O‘zbekiston Respublikasi Davlat bayrog‘i Antraktida cho‘qqisida” nomli videorolik namoyishi barchada katta qiziqish uyg‘otdi