Muddatidan oldin ozod etildi

Mahkumlarning muddatidan oldin ozod etilishi, ularni ruhlantirishi, davlat boshqaruvidan, jamiyatdan rozi va mamnunlik hissini uyg‘otishi ham bor gap. Bunday kayfiyatdagi inson esa oilasi bag‘riga qaytib, halol mehnat ila yaqinlari bilan bekam-u ko‘st yashashni maqsad qiladi. Ayni kunlarda ham jazoni o‘tayotgan mahkumlarda ana shunday kayfiyat hukmron bo‘ldi.
Surxondaryo viloyat sudi binosida O‘zbekiston Respublikasi Oliy sudi raisining o‘rinbosari Ikrom Muslimovning sayyor qabuli o‘tkazildi. Unda Termiz tumani Ichki ishlar bo‘limi Probatsiya guruhida jazo muddatini o‘tayotgan besh nafar mahmun muddatidan oldin ozod etish to‘g‘risida tuman IIB boshlig‘ining taqdimnomasi ko‘rib chiqildi.
O‘zining yaxshi xulqli, tuzalish yo‘liga kirgan va chin dildan pushaymon bo‘lganligini bildirgan 5 nafar shaxsga nisbatan tayinlangan jazo muddatidan ilgaridan shartli ravishda tugatildi hamda ularga qayta jinoyat sodir etmaslik to‘g‘risida profilaktik suhbatlar o‘tkazildi. Shuningdek, sayyor qabul davomida mamlakatimizda sud-huquq tizimida olib borilayotgan islohotlar hamda fuqarolarni ijtimoiy qo‘llab-quvvatlash borasidagi ishlarga to‘xtalib o‘tildi. Keyingi yillarda Prezidentimiz tashabbusi bilan yurtimizda inson huquqlari ustuvorligini ta’minlash, sudlarda adashib, jinoyat yo‘liga kirganlar, o‘z qilmishidan pushaymon bo‘lganlar uchun bag‘rikenglik va insonparvarlik tamoyillari joriy etilganligi qayd etildi.