Munosib vorislar aniqlandi

Termiz shahridagi Yoshlar markazida O‘zbekiston Respublikasi Vazirlar Mahkamasining 2022-yil 18-yanvardagi “Isteʼdodli yoshlarni qo‘llab-quvvatlash “Ulug‘bek” jamg‘armasi faoliyatini rivojlantirish chora-tadbirlari to‘g‘risida”gi 30-sonli qaroriga asosan “Mirzo Ulug‘bek vorislari” respublika tanlovi viloyat bosqichi bo‘lib o‘tdi.
Iqtidorli yoshlarning tashabbuslarini qo‘llab-quvvatlash maqsadida tashkil etilgan mazkur tanlov yoshlarni ilmiy-texnik faoliyatga keng jalb qilishi bilan ahamiyatli. Qolaversa, olis hududlarda istiqomat qilayotgan yigit-qizlarning bilim, ko‘nikma va malakasini oshirish, innovatsion g‘oyalarini amaliyotga tatbiq etib, ularning iqtidor qirralarini kashf etayotir.
Bu galgi tanlovda ham 74 nafar ana shunday iqtidorli, o‘ziga ishonchi baland yoshlar o‘zlarining innovatsion g‘oya va loyihalari bilan ishtirok etdi. Ular orasida 20 nafar ishtirokchilar “Mirzo Ulug‘bek vorislari” respublika tanlovining viloyat bosqichi g‘olibi etib topildi. G‘oliblar respublika tanlovida ishtirok etadi.