Tartibsizlikning oldini olish maqsadida

Ro‘zg‘or tebratish, bir-ikki so‘z jamg‘arish maqsadida mehnat qilib, ter to‘kamiz. U yoki bu ish bilan mashg‘ul bo‘lamiz. Qo‘limizda kasb-hunarimiz bo‘lsa, ha yaxshi, aks holda udda qilishimiz mumkin bo‘lgan ishni boshidan tutishimiz aniq. Uzun tuman markazida odamlar gavjum emasmi, tadbirkorlar va olib-sotarlar u yerdagi piyodalar o‘tish yoʻlakchasini biznes maydoniga aylantirib olishgan. Savdogarlarning bunday noqonuniy xatti-harakati esa ko‘chada tartibsiz holatni keltirib chiqarayotgani ham bor gap.
Mana shunday holatni bartaraf etish maqsadida viloyat hokimi Ulug‘bek Qosimov topshirig‘iga asosan Uzun tumani hokimi X.Bozorov boshchiligidagi ishchi guruh noqonuniy maydonlarda faoliyat yuritayotgan yoymachilar hamda ovqatlanish shahobchalarining tozalik holatini koʻzdan kechirdi. Shuningdek, ishchi guruh tadbirkorlar tomonidan oʻzboshimchalik bilan egallab olingan joylar, noqonuniy qurilishlar va antisanitariya holatidagi ovqatlanish shahobchalari egalari bilan profilaktik suhbatlar olib borilib, ogohlantirish xatlari berildi.