Termiz davlat universitetida Termiz harbiy prokuraturasi hamda Surxondaryo viloyati Yoshlar ittifoqi hamkorligida harbiy qismlardagi “psixolog-yoshlar yetakchilari” uchun o‘quv-seminar tashkil etildi.
“Yoshlarni vatanparvarlik ruhida tarbiyalashning mazmun-mohiyati” mavzusidagi seminarda yoshlar bilan ishlashda zamonaviy yondashuv, tadbirlarning mazmuni va ularning yoshlar tarbiyasiga ta’siri haqida fikr almashildi.
Termiz harbiy prokurori yordamchisi, adliya katta leytenanti S.Bebetov so‘zga chiqib, yoshlar siyosatiga e’tiborni kuchaytirish, ayniqsa, vatanparvarlik tadbirlarini shunchaki tadbir uchun emas, aniq maqsad va mazmun asosida tashkil etish zarurligini ta’kidladi.
Seminar yakunida faoliyati bilan hamkasblariga o‘rnak bo‘lib kelayotgan bir guruh xodimlar tashakkurnoma va esdalik sovg‘alari bilan taqdirlandi.
Daler Rahmatullayev,
Termiz harbiy prokurorining katta yordamchisi,
Adliya katta leytenanti
