Sariosiyo tumanining olis tog‘li Daragiston va Bog‘i Samarqand mahallalarida ichki yo‘llarni asfaltlash ishlari davom etmoqda.
Tuman hokimi Odiljon Yaqubov mas’ullar bilan birgalikda hududlarda olib borilayotgan ishlarni joyiga chiqib ko‘zdan kechirdi. Asfaltlashning loyiha va qurilish me’yorlariga muvofiqligi, ishlar sifati hamda belgilangan muddatlarga rioya etilishi yuzasidan mas’ullarga topshiriqlar berildi.
Chekka hududlarda yillar davomida dolzarb bo‘lib kelgan yo‘l muammosining bosqichma-bosqich hal etilishi mahalla aholisi uchun qulaylik yaratmoqda. Yangilanayotgan yo‘llar, avvalo, aholining qatnovini yengillashtirib, hudud infratuzilmasini yaxshilashga xizmat qiladi.
Mahalla faollari va nuroniylar amalga oshirilayotgan ishlarni ijobiy baholab, olis hududlardagi yo‘l infratuzilmasiga e’tibor kuchayayotganini ta’kidladilar.
