Termiz shahridagi sport maktabida Surxondaryoda kriket sport turini joriy etish va rivojlantirish masalalariga bag‘ishlangan uchrashuv o‘tkazildi.
Unda O‘zbekiston kriket federatsiyasi vakillari, terma jamoa sardori va bosh murabbiyi, sport maktabi trenerlari, sportchilar hamda talaba yoshlar ishtirok etdi. Mutaxassislar kriketning o‘ziga xos jihatlari haqida ma’lumot berib, amaliy o‘yin namunalari orqali yoshlarni sport turiga qiziqtirdi.
Uchrashuv yakunida kriketga qiziqish bildirgan yoshlarga sport inventarlari topshirildi. Shuningdek, kriketni Surxondaryoda rivojlantirish bo‘yicha hamkorlik kelishuvi imzolandi.
