Surxondaryo viloyati nogironligi bo‘lgan shaxslarni reabilitatsiya qilish va protezlash markazida tibbiy, ijtimoiy reabilitatsiya hamda protez-ortopediya xizmatlari kompleks tarzda ko‘rsatilmoqda.
130 o‘ringa mo‘ljallangan markazda 100 ta byudjet va 30 ta pullik xizmat o‘rni mavjud. Bu yerda diagnostika, terapiya, nevrologiya, fizioterapiya, jarrohlik, mehnat terapiyasi va boshqa yo‘nalishlarda xizmatlar ko‘rsatiladi.
Stasionar bo‘limda tayanch-harakat tizimi kasalliklari uchun 40 o‘rin, terapiya uchun 30 o‘rin hamda asab kasalliklari uchun 30 o‘rin ajratilgan. Tayanch-harakat tizimi yo‘nalishidagi o‘rinlarning 5 tasi bolalar uchun mo‘ljallangan.
