Termiz shahrida obodonlashtirish va ko‘kalamzorlashtirish ishlarini zamonaviy yondashuvlar asosida rivojlantirish bo‘yicha amaliy hamkorlik yo‘lga qo‘yilmoqda.
Shahar hokimi Sharofiddin Lolayev Xitoyning “Anhui Fengyuan Equipment Technology Co. Ltd” kompaniyasi rahbari Xuan Peng Cheng boshchiligidagi investorlar bilan uchrashib, sohani davlat-xususiy sheriklik asosida rivojlantirish masalalarini muhokama qildi.
Tomonlar mavjud holatni joyiga chiqib o‘rganish, shahardagi sug‘orish tizimlari va suv manbalarini, yangi yashil hududlar barpo etish mumkin bo‘lgan maydonlarni hamda zamonaviy maxsus texnikaga ehtiyojni aniqlashga kelishib oldi.
Joylardagi o‘rganishlar yakunlari asosida hamkorlikning aniq yo‘nalishlari belgilanib, yakuniy bitim imzolashga tayyorgarlik ko‘riladi.
Yangi hamkorlik Termizda yashil hududlarni ko‘paytirish, obodonlashtirish ishlarini zamonaviylashtirish va shahar muhitini yanada yaxshilashga qaratilgan.
