Termiz harbiy prokurorining yordamchisi, adliya katta leytenanti S.Bebetov Oltinsoy tumanida harbiy xizmatchilar bilan uchrashib, huquqbuzarlik va jinoyatlarning oldini olish masalalari yuzasidan tushuntirishlar berdi.
Tadbirda harbiy xizmatchilar tomonidan sodir etilishi mumkin bo‘lgan jinoyatlar, ularning huquqiy oqibatlari hamda qonunchilikdagi yangiliklar haqida ma’lumot berildi.
Shuningdek, muddatli harbiy xizmatni o‘tash istagida bo‘lgan, komissiya tekshiruvlaridan o‘tayotgan yoshlar bilan davra suhbati tashkil etildi. Ularga harbiy xizmatni o‘tash tartibi, harbiy xizmatchilar uchun yaratilgan imtiyoz va imkoniyatlar tushuntirildi.
Uchrashuvda harbiy xizmatchilarning huquqiy bilimini oshirish, qonun talablariga rioya etish va huquqbuzarliklarning oldini olish masalalariga alohida e’tibor qaratildi.
Daler Rahmatullayev,
Termiz harbiy prokurorining katta yordamchisi,
adliya katta leytenanti
