“Dolzarb 60 kun” profilaktik tadbirlari doirasida Qumqo‘rg‘on tumanidagi “Baraka” savdo majmuasida yong‘in xavfsizligi bo‘yicha amaliy mashg‘ulot tashkil etildi.
Unda Favqulodda vaziyatlar bo‘limi xodimlari tomonidan savdo majmuasi xodimlari va tadbirkorlarga yong‘in sodir bo‘lganda to‘g‘ri harakat qilish, birlamchi yong‘in o‘chirish vositalaridan foydalanish hamda fuqarolarni xavfsiz evakuatsiya qilish bo‘yicha amaliy ko‘nikmalar namoyish etildi.
Mazkur tadbir aholining yong‘in xavfsizligi madaniyatini yuksaltirish, favqulodda vaziyatlarning oldini olish hamda insonlar hayoti va mol-mulkini ishonchli himoya qilishda muhim ahamiyat kasb etadi.
