Jarqo‘rg‘on tumanida fuqarolar murojaati asosida ichimlik suvi ta’minoti bilan bog‘liq muammo qisqa muddatda bartaraf etildi.
Qorayantoq mahallasining Ibn Sino va Ko‘kaldosh ko‘chalari aholisi tomonidan bildirilgan murojaat joyiga chiqib o‘rganilib, zarur amaliy choralar ko‘rildi. Natijada hudud aholisiga ichimlik suvi uzluksiz yetkazib berilishi ta’minlandi.
Mazkur holat fuqarolar murojaatlariga o‘z vaqtida munosabat bildirish va mavjud muammolarni tezkor hal etish aholi turmush sifatini yaxshilashda muhim omil ekanini yana bir bor tasdiqladi.
