Boysun tumanida 18 yoshdan katta ruhiy holati buzilgan nogironligi bo‘lgan shaxslarni qo‘llab-quvvatlash maqsadida yangi kunduzgi parvarish markazi faoliyat boshladi.
“Sho‘rsoy” mahallasida tashkil etilgan “Mehr dunyosi 2” MCHJda xizmat oluvchilarga kunduzgi parvarish, ijtimoiy moslashtirish va mustaqil hayot ko‘nikmalarini rivojlantirishga qaratilgan xizmatlar ko‘rsatilmoqda. Hozirda markaz xizmatlaridan 8 nafar fuqaro foydalanmoqda.
Mazkur loyiha nogironligi bo‘lgan shaxslarning hayot sifatini yaxshilash, ularning jamiyatdagi faolligini oshirish hamda oila a’zolarini qo‘llab-quvvatlashda muhim qadam bo‘lib, kelgusida xizmat qamrovini yanada kengaytirish rejalashtirilgan.
